Ermənistan KTMT-da etibarını itirib (Video)
Kollektiv Təhlükəsizlik Müqaviləsi Təşkilatının baş katibi Yuriy Xaçaturov vəzifəsindən azad olunub, onu kimin əvəz edəcəyi hələ bilinmir. Ekspertlər hesab edir ki, Ermənistan KTMT-da etibarını itirib və üzv dövlətlər bu ölkənin daha bir nümayəndəsini təşkilatın idarəçiliyində görmək istəməzlər.
Politoloqlar hesab edir ki, Xaçaturovun vəzifədən kənarlaşdırılması Rusiyanın Ermənistanın indiki hakimiyyətinin dəstəklənməsi anlamına gəlmir və bu ölkənin siyasi uğuru deyil.
Ekspertlərin fikrincə, Ermənistan hakimiyyəti hər zaman KTMT üzv ölkələrə Azərbaycanla əlaqələri inkişaf etdirməməsi üçün təsir etməyə çalışıb. Lakin Rəsmi Yerevanın bu cəhdləri boşa çıxdı, çünki Azərbaycan iqtisadi və hərbi sahədə əməkdaşlıq üçün daha sərfəli ölkədir. Beynəlxalq münasbətlər üzrə ekspert Yevgeniy Mixaylov hesab edir ki, bundan sonra Erməni nümayəndələrinin bəyanatlarına KTMT-da başqa cür yanaşacaqlar. Onun sözlərinə görə, indi vəziyyət dəyişib və heç də Ermənistanın lehinə deyil.
Qeyd edək ki, Xaçaturov Ermənistanda hakimiyyət dəyişdikdən sonra problemlərlə üzləşib. Hakimiyyətə Nikol Paşinyan gəldikdən sonra yeni hakimiyyət 2008-ci il mart hadisələrini yenidən araşdırmağa başlayıb. Cinayət işinə cəlb olunan şəxslər içərisində 2008-ci ildə Erməni qarnizonuna komandanlıq edən KTMT-nin baş katibi Yuriy Xaçaturov da olub.
