Haqqımızda
“Вакı Beynəlxalq siyasət və Təhlükəsizlik Şəbəkəsi» ( «Baku Network»)
2015-ci ilin avqust ayında Azərbaycan paytaxtı “Bakı Beynəlxalq Siyasət və Təhlükəsizlik Şəbəkəsi” (Baku International Policy and Security Network – BIPSN) adlı yeni qeyri-hökumət “fikir fabriki”nin (think-tank) yaradılmasının şahidi oldu. «Trend» İnformasiya Agentliyinin dəstəyi ilə qurulan «Baku Network»un fəaliyyətini keçmiş diplomat, fəlsəfə doktoru Elxan Ələsgərov həyata keçirir.
Konseptual olaraq «Baku Network» coğrafi, iqtisadi və geosiyasi “kəsişmədə” yerləşən Azərbaycan paytaxtının payına düşən missiyanın dərk olunmasından yaranıb. Tarix boyu Bakı ərazisindən elə indi də mövcud olan və Xəzər dənizi, Qara dəniz, eləcə də Böyük və Kiçik Qafqaz dağları arasındakı geniş ərazini əhatə edən “Böyük İpək Yolu” keçib. Bu coğrafi arealda qədim sivilizasiyaların tarixi fomalaşıb və bu gün Bakı burada məskunlaşmış etnosların müxtəlifliyini qoruyub saxlayır, burada müxtəlif mədəniyyət və məzhəblərin nümayəndələrinin birgə yaşayışının unikal modeli yaranıb. Bu şəhər dünya və regional kommunikasiyaların kəsişməsində yerləşib. Bu gün də müasir Bakı haqlı olaraq multikulturalizmin nümunəsi hesab olunur. Burada təkcə müxtəlif xalqların, millətlərin və dinlərin taleyi deyil, həm də Qərblə Şərqin, Şimalla Cənubun maraqları kəsişir.
«Baku Network» bazasında azərbaycanlı və xarici akademik və diplomatik dairələrin, beynəlxalq siyasət və təhlükəsizlik sahəsində aparıcı mütəxəssislərin iştirakı ilə ekspert şəbəkəsi fəaliyyət göstərir. Bu şəbəkə vasitəsilə aktual təhlükəsizlik problemləri, terrorçuluqla mübariz, müstəqil Azərbaycanın maraqlarının müdafiəsi məsələləri, həmçinin erməni təbliğatına və ölkəmizə düşmən tendesiyalara qarşı mübarizə məsələlərinin müzakirəsi həyata keçirilir.
«Baku Network»un məqsədi Azərbaycanın xarici siyasət strategiyasının məlumat-analitik müşayiətinə yönəlmiş məsələlərin reallaşdırılması, dövlətimizin mövqeyinin aktuallaşması və ictimai rəyə ekspert dialoqu prizmasından lazımi təsirin göstərilməsi üçün intellektual platformanın yaradılmasıdır. «Baku Network» aparıcı xarici “fikir fabrikləri” (think-tank) ilə ekspert səviyyəsində tərəfdaş əlaqələrinin yaradılması üçün müasir beynəlxalq təcrübədə qəbul olunmuş platformanın bir nümunəsidir.
Elxan Ələsgərov, fəlsəfə doktoru